Pershkrimi i pronës

Hotel Luksoz në Shitje Investim Elitar pranë Detit. Ofrohet për shitje një hotel unik me standarde të larta ndërtimi dhe mobilimi, i pozicionuar vetëm 130 metra nga deti, në një nga zonat më të kërkuara për turizëm dhe investim. Prona gëzon pamje panoramike të pandërprerë nga deti nga çdo dhomë, duke krijuar një eksperiencë ekskluzive për klientët dhe një avantazh të rëndësishëm konkurrues në tregun e hotelerisë. Hoteli është ndërtuar mbi një truall prej 1,000 m² dhe ka një sipërfaqe totale ndërtimi prej 1,200 m², të organizuar në 4 kate plus tarracë panoramike. Objekti disponon 34 dhoma të mobiluara me standard luksi, ku secila është e pajisur me ballkon privat me fasadë xhami, televizor QLED 55, WiFi, mini-bar, frigorifer, ekspres kafeje, kasafortë, mobilim premium dhe të gjitha pajisjet e nevojshme për funksionim të menjëhershëm. Në ambientet e përbashkëta përfshihet një holl pritjeje prej 100 m² dhe një tarracë spektakolare me sipërfaqe totale rreth 375 m², nga të cilat 175 m² janë të mbuluara me tendë prej druri masiv. Kjo hapësirë ofron potencial të shkëlqyer për zhvillimin e një rooftop bar, lounge apo restoranti me pamje të plotë nga deti. Prona përfshin gjithashtu një pishinë me përmasa 9 x 4 metra, ashensor për 5-6 persona dhe depo uji nëntokësore me kapacitet 40 m³. Objekti është ndërtuar me materiale dhe teknologji të klasit premium, duke ofruar izolim të avancuar termik dhe akustik. Muret janë realizuar me strukturë të dyfishtë, lesh guri dhe sisteme speciale kundër zhurmës dhe zjarrit. Parketi CronoSwiss, sistemet Alumil S560 me xham triplex rrëshqitës, dyert me sistem silent dhe veshjet speciale kundër kripës dhe korrozionit garantojnë cilësi dhe qëndrueshmëri afatgjatë. Hoteli është i pajisur me sistem Full Smart, kondicionim dhe ventilim Daikin, rikuperim dhe filtrim ajri, sistem kundër zjarrit dhe tymit, instalime hidraulike sipas standardeve italiane dhe gjermane, instalime elektrike inteligjente me garanci dhe sistem të certifikuar për trajtimin e ujërave të zeza. Një tjetër element që e veçon këtë pronë janë punimet dekorative me gur natyral, si dhe arkitektura moderne me ballkone të dala që kombinojnë estetikën bashkëkohore me funksionalitetin maksimal. Prona shitet e mobiluar dhe e pajisur në çdo detaj, gati për operim të menjëhershëm, pa nevojë për investime shtesë. Është një mundësi e shkëlqyer për investitorët që kërkojnë një aset premium në sektorin e turizmit dhe hotelerisë. Ideale për hotel boutique luksoz, kompleks akomodimi premium, resort familjar ose strukturë turistike me performancë të lartë gjatë gjithë sezonit.