Pershkrimi i pronës

Vile Individuale ne shitje, pjese e nje kompleksi rezidencial prane TEG-ut! Rezidenca është konceptuar si një kompleks rezidencial unik, projektuar të shtrihet në një zonë plot gjelbërim mes qetësisë së natyrës dhe ajrit të pastër, larg zhurmës së qytetit. Pozicionuar pranë qendrës tregtare TEG, me akses direkt në Unazën e Madhe të kryeqytetit. Kompleksi ngrihet mbi një truall prej 46,000 m², me parqe, hapësira sportive dhe rekreative, pedonale, parkim të dedikuar dhe ambiente shërbimi. Vila individuale ka sipërfaqe ndërtimi 499 m² dhe parcelë 519 m², e organizuar në 2 kate mbi tokë dhe një kat nëntokë. Kati përdhe përfshin kuzhinën me ambient ngrënieje, sallonin, një tualet dhe një dhomë gjumi. Kati i parë ka 2 dhoma gjumi për fëmijë, një dhomë matrimoniale me garderobë dhe tualete respektive. Të gjitha dhomat e gjumit kanë akses në verandë. Kati nëntokë përfshin ambient rekreativ me palestër, dhomë saune, dhomë masazhi, depo, tualet dhe lavanderi. Vila është e rrethuar nga oborri i gjelbër dhe ofron 2 poste parkimi të dedikuara. Rezidenca është aktualisht në punime e sipër.