Pershkrimi i pronës

Vile Individuale ne shitje, pjese e nje kompleksi rezidencial prane TEG-ut! Rezidenca është konceptuar si një kompleks rezidencial unik, projektuar të shtrihet në një zonë plot gjelbërim mes qetësisë së natyrës dhe ajrit të pastër, larg zhurmës së qytetit. Pozicionuar pranë qendrës tregtare TEG, me akses direkt në Unazën e Madhe të kryeqytetit. Vila individuale ka një sipërfaqe totale ndërtimi 499 m² dhe sipërfaqe totale parcele 519 m², të organizuara në 2 kate mbi tokë dhe një kat nëntokë. Në katin përdhe pozicionohen kuzhina me ambientin e ngrënies, salloni i ndenjes, një tualet, një dhomë gjumi dhe shkallët e brendshme. Kati i parë përfshin 2 dhoma gjumi për fëmijë, një dhomë gjumi matrimoniale me garderobë dhe tualete respektive. Të gjitha dhomat e gjumit kanë akses në verandë. Kati nëntokë përfshin ambient rekreativ, palestër, dhomë sauna, dhomë masazhi, depo, tualet dhe lavanderi. Vila është e rrethuar nga oborri i gjelbër dhe ofron 2 poste parkimi të dedikuara. Rezidenca është aktualisht në punime e sipër.