Pershkrimi i pronës

Ofrohet për shitje një vilë elegante dhe moderne në zonën e Plazhit të Durrësit, pranë Rrotës së Kuqe, vetëm 300 metra nga deti. Prona ndodhet në një pozicion shumë të favorshëm, me akses të lehtë dhe infrastrukturë të zhvilluar, duke ofruar privatësi, komoditet dhe standard të lartë jetese. Vila disponon sipërfaqe trualli prej 342 m² dhe organizohet në tre nivele: kati përdhe 136 m², kati i dytë 136 m² dhe papafingo 120 m². Dy katet e para të mobiluara totalisht organizohen në dhomë ndenjeje, kuzhinë të veçuar, 3 dhoma gjumi dhe 1 tualet me ajrim dhe ndriçim natyral. Papafingoja organizohet në dhomë të madhe ndenjeje, 2 dhoma gjumi dhe 2 tualete me ajrim dhe ndriçim natyral; aktualisht është në fazë të papërfunduar, duke ofruar mundësi personalizimi sipas preferencës së blerësit. Çdo kat disponon ballkonin e tij individual dhe shkallë të jashtme. Prona është investuar me standarde të larta ndërtimi dhe materiale premium, duke përfshirë sistem kapot 10 cm, sistem qendror Chiller Vaillant për ngrohje dhe ftohje, sistem survejimi me kamera, sistem filtrimi uji, sistem drenazhimi për ujërat e shiut, çati me membranë dhe dritare dopio-xham/triplex. Oborri i jashtëm ofron hapësirë për parkimin e më shumë se 3 automjeteve, si dhe ambiente të dedikuara për gjelbërim ose relaks. Kjo vilë përfaqëson një zgjedhje ideale për banim familjar pranë detit dhe ka potencial të lartë investimi për qiradhënie ditore.