Pershkrimi i pronës

Në një nga rezidencat më cilësore dhe të sigurta të Tiranës, në zgjatimin e Rezidencës Kodra e Diellit 1, ofrohet për qira një apartament ekskluziv 3+1 me post parkimi dhe oborr privat. Apartamenti karakterizohet nga hapësira të bollshme, investim maksimal në cilësi dhe një mobilim modern e të kuruar në çdo detaj. Organizimi: sallon i madh ndenje me ndriçim natyral, ambient gatimi i integruar, dhomë gjumi matrimoniale (master) me garderobë dhe tualet të dedikuar, dhomë gjumi me krevat dopio, dhomë gjumi për fëmijë, tualet i përgjithshëm, oborr privat me dalje nga të gjitha ambientet. Cilësime & investime: vetrata quadruplex për izolim maksimal akustik dhe termik, instalime hidraulike dhe elektrike tërësisht të rinovuara (multistrat cilësor), elektroshtepiake premium, ndër të cilat spikat marka SMEG, grila metalike me sistem elektromotor, mobilim modern dhe cilësor i realizuar me porosi. Oborri ofron një hapësirë të kuruar me verandë për relaks dhe vakte në ajër të hapur, linja për lavaman dhe mundësi për ndërtimin e një këndi barbeque. Apartamenti është zgjedhje ideale për familje që kërkojnë komoditet, privatësi dhe cilësi të lartë jetese në një nga zonat më të preferuara të qytetit.